კომპანიამ საქველმოქმედო ფონდი შექმნა

„იზრუნე მომავალზე ნატახტრის ლიმონათთან ერთად“,  – ამ სახელწოდებით სასტუმრო „ქორთიარდ მარიოტში“ კომპანია „ნატახტრის“, საპატრიარქოსა და ასოციაცია „ჩვენი სახლი  - საქართველოს“ ერთობლივი პრესკონფერენცია გაიმართა, სადაც ჟურნალისტებს „ნატახტრის – ლიმონათთან ერთად დაგეგმილი საინტერესო და მასშტაბური პროექტის დეტალები გააცნეს. აქცია მზრუნველობამოკლებული ბავშვების დახმარებას ემსახურება.

კომპანია „ნატახტარი“ საზოგადოებრივად აქტიური ბიზნესორგანიზაციაა და სოციალური პასუხისმგებლობით გამოირჩევა. მისი ინციატივით არაერთი აქცია ჩატარებულა, თუმცა „იზრუნე მომავალზე“  კომპანიის პირველი მასშტაბური საქველმოქმედო პროგრამაა, რომელიც მზრუნველობამოკლებული ბავშვების დასახმარებლად დაიწყო.

თორნიკე ნიკოლაიშვილი, „ნატახტრის“  მარკეტინგის მენეჯერი: კომპანია „ნატახტარმა“ საპატრიარქოსა და ასოციაცია „ჩვენს სახლთან“  ერთად პირველად დაგეგმა ასეთი მასშტაბური პროექტი. ადრე მზრუნველობამოკლებულ ბავშვებს სხვადასხვა საჩუქრით (პროდუქტით, ტანსაცმლით ვეხმარებოდით, გასართობ ცენტრებში ვეპატიჟებოდით) ვეხმარებოდით, მაგრამ მივხვდით, რომ ეს საკმარისი არ არის და გვინდა მათ ხვალინდელ დღეზეც ვიზრუნოთ. მას შემდეგ, რაც ისინი სრულწლოვანები გახდებიან, დავასაქმოთ და მოზარდებს საზოგადოებაში ინტეგრაციაში დავეხმაროთ, რათა ცხოვრების გაგრძელება დამოუკიდებლად შეძლონ. ერთი სიტყვით, ჩვენი სურვილია, ბავშვებს თევზი კი არ ვაჩუქოთ, თევზაობა ვასწავლოთ. როცა ისინი 18 წელს გადააბიჯებენ და იმ საცხოვრებელი სახლების დატოვება მოუწევთ, ქუჩაში არ უნდა დარჩნენ და სრულფასოვანი ცხოვრება უნდა დაიწყონ. ეს პროექტი არ არის მოკლევადიანი და ერთჯერადი, კიდევ რამდენიმე საინტერესო გეგმის ხორცშესხმას ვაპირებთ.

- პროექტი „ნატახტრის“  ლიმონათის გაყიდული პროდუქციიდან შემოსული თანხებით დაფინანსდება?

- დიახ, 15 ნოემბრიდან 15 თებერვლის ჩათვლით ყოველი გაყიდული ლიმონათიდან, კონკრეტულად კი, _ 0.5-ლიტრიანი ბოთლიდან 1, 1-ლიტრიანიდან 3 და 2-ლიტრიანიდან 5 თეთრი პროექტის დაფინანსებას მოხმარდება. ვნახოთ, იაქტიურებს თუ არა საზოგადოება და რა თანხა მოგროვდება ამ ხნის განმავლობაში. მხოლოდ 2012 წელს ეს პრობლემა ვერ მოგვარდება. ამიტომაც საჭიროა საზოგადოებისა და მედიასაშუალებების აქტიურობა, რათა ერთად  დავეხმაროთ ბავშვებს.

დროთა განმავლობაში შემოსული თანხის ანგარიშს ინტენსიურად წარვუდგენთ. ამ პერიოდში შეგროვილი თანხის ნამდვილობასა და გაყიდულ პროდუქციასთან შესაბამისობას მსოფლიოში ცნობილი N1 აუდიტორული კომპანია Price Waterhouse Coopers  დაადასტურებს.

- რას ელოდებით ამ პროექტისგან, რა თანხის მოგროვებას ვარაუდობთ?

- ეს იმაზეა დამოკიდებული, თუ რამდენად ინფორმირებული იქნება საზოგადოება. დაახლოებით 100 ათას ლარამდე თანხის მოგროვებას ველოდები. თუმცა, ყველაფერი მაინც თქვენი კოლეგების და მომხმარებლის აქტიურობაზეა დამოკიდებული და დიდ მადლობას გიხდით დაინტერესებისთვის.

სილვია ბოროვეცი, ასოციაცია “ჩვენი სახლის” პოლონელი წარმომადგენელი:

- “ნატახტარის” ფორმატის პროექტი საქართველოში ჯერ არ განხორციელებულა. ეს პირველია და ყველას დიდი იმედი გვაქვს, რომ ქართველი საზოგადოება მზრუნველობას მოკლებული ბავშვების მიმართ გულგრილი არ დარჩება… პოლონეთში ადგილობრივი კომპანიების ინიციატივითა და მონაწილეობით უამრავი ასეთი ტიპის პროექტი წარმატებით ხორციელდება.

ლელა მერაბიშვილი, ასოციაცია “ჩვენი სახლის”  წარმომადგენელი:

- ამ პროექტის წამოწყება ყველა მზრუნველობამოკლებული ბავშვისთვის ძალიან მნიშვნელოვანია, რადგან თითოეულ მათგანს ჩვენი დახმარება სჭირდება. ეს აქცია კი საშუალებას გვაძლევს მათ უკეთესი მომავალი შევუქმნათ. უპატრონო ბავშვებს ცხოვრების გასაგრძელებლად ნორმალური, კომფორტული ოჯახური გარემო სჭირდებათ, რაც ჩვეულებრივ ოჯახში გაზრდილი ბავშვებისგან განსხვავებით, მათთვის ფერადი ოცნებაა. საზოგადოების აქტიურობისა და მხარდაჭერის შემთხვევაში კი ეს პროექტი საშუალებას მოგვცემს, მოზარდებს არა მარტო ხელობა შევასწავლოთ, არამედ განათლება მიიღონ პროფესიულ სასწავლებლებში, რათა მას შემდეგ, რაც სრულწლოვანები გახდებიან, არჩევანის საშუალება ჰქონდეთ და იმ პროფესიას დაეუფლონ, რის ნიჭსაც გამოავლენენ. მერე კი შეძლებენ დამოუკიდებელი ცხოვრების აწყობასა და პრობლემებთან გამკლავებას. ჩვენი მიზანია ასევე დავეხმაროთ შრომისუუნარო ბავშვებსაც. ეს არ იქნება გუნდური სწავლებისა და დასაქმების პრინციპი. ყველა მათგანს ინდივიდუალურად მივუდგებით და გავარკვევთ, რისი შესწავლა და გაკეთება შეუძლიათ. ცხადია, ეს საკმაოდ დიდ პრობლემებსა და ფინანსებთან არის დაკავშირებული, მაგრამ იმედია, რომ საზოგადოების დახმარებით ამ პასუხისგმებლობისთვის თავის გართმევას შევძლებთ.

შალვა კეკელია, დეკანოზი:

- ამ მადლიანი საქმის წამოწყებისთვის კომპანია “ნატახტარს” მადლობა მინდა გადავუხადო. ასევე მადლიერება მინდა გამოვხატო ასოციაცია `ჩვენი სახლის~ მიმართაც. საზოგადოებას მინდა ვუთხრა, რომ სხვაზე ზრუნვა უდიდესი მადლია. ადამიანს, რომელიც სრულწლოვანი ხდება და ცხოვრებისეული პრობლემების წინაშე მარტო რჩება, რთული პერიოდი უდგება და ამას განსაკუთრებით მწვავედ მზრუნველობამოკლებული ბავშვები აღიქვამენ. წარმოიდგინეთ, რა მძიმეა, როცა ადამიანს პროფესია აქვს, მაგრამ სამსახურს ვერ შოულობს, მაგრამ ორმაგად მძიმეა, როცა არც სამსახური აქვს და არც ხელობა. დიდი მადლია, როცა მას ცხოვრების მოწყობაში სხვა ადამიანები ეხმარებიან. უწმინდესი ქადაგებებში ხშირად ამბობს: _ არ არის აუცილებელი ადამიანს მისცე თევზი, მთავარია, თევზის დაჭერა ასწავლოო. უფალმა ყველას შეაძლებინოს ამ სიკეთის გაკეთება.

შეგახსენებთ, რომ კომპანია “ნატახტარს” ხარისხის მართვის HACCP-ის  ISO-9001:2008 საერთაშორისო სერთიფიკატი შარშან დეკემბერში მასერთიფიცირებელი ორგანო TUV  SUD-ის მიერ მიენიჭა.

“მომხმარებლის მოთხოვნის მაღალი ხარისხით უზრნველყოფის მიზნით, ჩვენ შევიმუშავეთ და დავნერგეთ ხარისხის მენეჯმენტის  და სურსათის უვნებლობის მართვის ინტეგრირებული სისტემა. (ISO  9001:2008)”

HACCP-ის სისტემის დანერგვით სს “ლომისი” უზრუნველყოფს წარმოების მაღალი სტანდარტებით მუშაობას, რაც განაპირობებს   მომხმარებელის  ნდობის ამაღლებას ,რადგან ჩვენი პროდუქტი  რომელსაც იგი მოიხმარს ჯანმრთელობისათვის უვნებელია და დაცულია დაზიანებისაგან, მისი  წარმოების ყველა ეტაპზე დამზადებიდან მომხმარებლამდე, მნიშვნელოვანია, რომ სურსათის ჰიგიენის საერთაშორისო მოთხოვნების შესაბამისად, სს “ლომისი”-ს HACCP-ის სამუშაო ჯგუფი ადგენს სურსათის უვნებლობისთვის კრიტიკულ წერტილებს და HACCP-ის გეგმის შესაბამისად ზრუნავს მათი მონიტორინგის  და კონტროლის სათანადო  ღონისძიებების შემუშავებაზე რაც  ეყრდნობა “CODEX  ALIMENTARIUS COMMISSION”-”-ის სტანდარტებს და ასრულებს  “GLOBAL FOOD SAFETY”-”-ის მიერ განსაზღვრულ ქმედებებს.

HACCP-ის სისტემა (Hazard Analysis and Critical Control Points  - საფრთხის ანალიზი და კრიტიკული საკონტროლო წერტილები) სს “ლომისი”-ს ხარისხის მართვის სისტემის მნიშვნელოვანი ნაწილია და წარმოდგენილია DIN EN ISO 9001 სისტემასთან ერთად.

“მომხმარებლის მოთხოვნის მაღალი ხარისხით უზრნველყოფისათვის, ჩვენმა კომპანიამ შეიმუშავა და დანერგა ხარისხის მენეჯმენტის  და სურსათის უვნებლობის მართვის ინტეგრირებული სისტემა. (ISO 9001:2008), რაც ადასტურებს იმას, რომ საწარმოს აქვს უნარი, შეინარჩუნოს მუდმივი ხარისხი ეფექტური მართვის მეშვეობით. ” – განმარტავს “ნატახტარის” ხარისხის უზრუნველყოფის უფროსი  და HACCP-ლიდერი მარინე ჭიღლაძე.

აღსანიშნავია, რომ აღნიშნული სერთიფიკატის მფლობელი ბიზნეს ორგანიზაციისთვის ბევრად უფრო იოლია საერთაშორისო ბაზარზე გასვლა.

კომპანია “ნატახტარში” მუდმივად ზრუნავაენ ქარხნის ტექნიკურ გადაირაღებაზე. უკვე ერთი წელია , ნატახტარის საწარმოში გერმანული წარმოების Krones -ის ჩამომსხმელი ხაზი დამონტაჟდა და ექსპლუატაციაში შევიდა. რამაც განაპირობა პროდუქციის წარმადობის ზრდა და ჩამოსხმისა და შეფუთვის მაღალი ხარისხი. “კრონესი” არის ლიდერი კომპანია  ჩამომსხმელი და შესაფუთი ხაზების წარმოებაში.

საწარმოში ასევე ფუნქციონირებს თანამედროვე სტანდარტების მქონე ლაბორატორია, რომლის გადაიარაღება მუდმივი პროცესია და ხარისხის კონტროლის სრულყოფას ემსახურება.

13 ოქტომბერს,  ევროპის საგზაო უსაფრთხოების დღის აღსანიშნავად ბრიტანულ-ქართულ აკადემიაში გამართულ ვას-ოს კლიპის პრეზენტაციაზე უფროსკლასელები შეიკრიბნენ.

ვას-ო

ვ-ინც

ა-რ

ს-ვამს

ავტომობილის ნასვამ მდგომარეობაში მართვის შემთხვევებზე გამკაცრებული ჯარიმები ძალაში 2010 წლიდან შევიდა, თუმცა, მიუხედავად ამისა, ნასვამობით გამოწვეული საგზაო- სატრანსპორტო შემთხვევების რიცხვი მაინც ძალიან მაღალია: მხოლოდ 2011 წლის იანვარ–სექტემბრში 3,277 საგზაო-სატრანსპორტო შემთხვევაა რეგისტრირებული, რომლის დროსაც დაიღუპა – 391, დაშავდა – 4,917 ადამიანი. აქედან სიმთვრალით – 209 საგზაო-სატრანსპორტო შემთხვევა დაფიქსირდა.

ალკოჰოლი რომ უმთავრესი და უმნიშვნელოვანესი ქართული პროდუქტი და სუფრის განუყოფელი ნაწილია, ამაზე არავინ კამათობს. მაგრამ საუკეთესო ალტერნატივა ასეთ დროს, იმ კონკრეტულ დღესასწაულზე/სუფრაზე შეკრებული ჩვენი სამეგობრო წრიდან ერთ-ერთი პიროვნების არჩევა და მისი ვას-ოდ დასახელებაა.

ვას-ო (აბრევიატურა: ვ-ინც  ა-რ ს-ვამს) არის ცნობილი ბელგიური და ჰოლანდიური BOB-ის ერთგვარი ქართული ანალოგი, ანუ პიროვნება, რომელიც საკუთარი ნებით და მეგობრების საერთო გადაწყვეტილებით ამა თუ იმ შეკრების/დღესასწაულის ფხიზელი მძღოლია და მეგობრები შინ მშვიდობით მიყავს.

მაია ქობალია („საქართველოს ალიანსი უსაფრთხო გზებისთვის“ აღმასრულებელი დირექტორი): „კამპანია „საჭესთან ფხიზლად!“ მომავალშიც განაგრძობს საგზაო უსაფრთხოების თემატიკის საგანმანათლებლო ვიდეო რგოლების გადაღებას და ახალგაზრდებთან (და არამარტო მათთან) აქტიურ თანამშრომლობას, რადგან მსოფლიო სტატისტიკური მონაცემებით ახალგაზრდებში, უბედური შემთხვევების რაოდენობის მიხედვით, ავტოსაგზაო შემთხვევები დღესაც პირველ ადგილზეა. გარდა ამისა, ჯანდაცვის მსოფლიო ორგანიზაციის (WHO) მონაცემებით ავტოკატასტროფების 93% მთლიანად ან ნაწილობრივ მძღოლის შეცდომით და სხვა ადამიანური ფაქტორებით არის გამოწვეული; ალკოჰოლური თრობის დროს საჭის მართვა კი საგრძნობლად ზრდის ისეთი შეჯახების ალბათობას, რომელიც სიკვდილს ან მძიმე ტრავმას იწვევს. კამპანია „საჭესთან ფხიზლად!’’ სწორედ იმას ისახავს მიზნად, რომ საზოგადოების ცნობიერება აამაღლოს ნასვამ მდგომარეობაში ავტომობილის მართვასთან დაკავშირებულ საკითხებზე. ცნობიერების ამაღლებამ, მოსახლეობის უფრო მეტად ინფორმირებულობამ და ამის შედეგად მათი ქცევის შეცვლამ, ნასვამობით გამოწვეული ავტოსაგზაო შემთხვევების შემცირებას უნდა შეუწყოს ხელი. ნასვამ მდგომარეობაში ავტომანქანის მართვით გამოწვეული საგზაო შემთხვევების და ჯარიმების  თავიდან ასაცილებლად კი ვას-ო საუკეთესო გამოსავალია.“

სალომე საღარაძე (კლიპის რეჟისორი): „სპეციალურად ისეთი პერსონაჟი შეირჩა, რომ თითოეულმა ქართველმა თავის თავთან გააიგივოს ვას-ო და მსგავს სიტუაციებში ავტოსაგზაო შემთხვევების თავიდან ასაცილებლად ანალოგიურად მოიქცეს. კლიპში კი ლუდი „ნატახტარი“ იყო გამოყენებული, რომელიც თავისი საუკეთესო ფერისა და გემოს გამო შეირჩა.“

კამპანია „საჭესთან ფხიზლად!“, რომელიც ოფიციალურად 11 მაისს, გაეროს საგზაო უსაფრთხოების ათწლეულის (UN Decade of Action for Road Safety 2011-2020) აღნიშვნის დღეს გაიხსნა, პირველი ლედის ჯანსაღი ცხოვრების წესის ინიციატივის „Don’t Worry, Be Healthy!“-ს ფარგლებში ხორციელდება.

პროექტს ახორციელებს ორგანიზაცია „საქართველოს ალიანსი უსაფრთხო გზებისთვის.“ კამპანიის დონორები არიან: გენერალური სპონსორი - კომპანია „ნატახტარი“, დონორები – სადაზღვევო კომპანია „ჯი-პი-აი ჰოლდინგი“, „ტოიოტა კავკასია“ და ამერიკის შეერთებული შტატების საელჩო საქართველოში.

ევროპის საგზაო უსაფრთხოების დღე ბრიტანულ-ქართულ აკადემიაში

13 ოქტომბერს, „საქართველოს ალიანსმა უსაფრთხო გზებისთვის“ევროპის საგზაო უსაფრთხოების დღე აღნიშნა და ბრიტანულ-ქართულ აკადემიაში გამართა სპეციალური შეხვედრა აკადემიის უფროსკლასელ მოსწავლეებთან.

ღონისძიების ფარგლებში ასევე ,,საჭესთან ფხიზლად!“ კამპანიის და ახალი პერსონაჟის ვას-ოს (აბრევიატურა: ვ-ინც  ა-რ   ს-ვამს) პრეზენტაცია გაიმართა.

კამპანია „საჭესთან ფხიზლად!“, რომელიც ოფიციალურად 11 მაისს, გაეროს საგზაო უსაფრთხოების ათწლეულის (UN Decade of Action for Road Safety 2011-2020) აღნიშვნის დღეს გაიხსნა, პირველი ლედის ჯანსაღი ცხოვრების წესის ინიციატივის „Don’t Worry, Be Healthy!“-ს ფარგლებში ხორციელდება.

პროექტს ახორციელებს ორგანიზაცია „საქართველოს ალიანსი უსაფრთხო გზებისთვის.“ კამპანიის დონორები არიან: გენერალური სპონსორი - კომპანია „ნატახტარი“, დონორები – სადაზღვევო კომპანია „ჯი-პი-აი ჰოლდინგი“, „ტოიოტა კავკასია“ და ამერიკის შეერთებული შტატების საელჩო საქართველოში.

პროექტი მიზნად ისახავს საზოგადოების ცნობიერების ამაღლებას ნასვამ მდგომარეობაში ავტომობილის მართვასთან დაკავშირებულ საკითხებზე და ნასვამობით გამოწვეული ავტოსაგზაო შემთხვევების შემცირებას. გარდა ამისა, იმდენად რამდენადაც მსოფლიო სტატისტიკური მონაცემებით ახალგაზრდებში, უბედური შემთხვევების რაოდენობის მიხედვით, ავტოსაგზაო შემთხვევები დღესაც პირველ ადგილზეა, საგზაო უსაფრთხოების მნიშვნელობაზე უფროსკლასელებთან – მომავალ ახალგაზრდა მძღოლებთან საუბარი, მათ კიდევ უფრო მეტად ინფორმირებულობას შეუწყობს ხელს.

უფროსკლასელებთან შეხვედრა  ინტერაქტიულ ხასიათს ატარებდა -  სტუმრებმა მოსწავლეებს სხვადასხვა შეკითხვები დაუსვეს, მათ შორის სისხლში ალკოჰოლის დასაშვები ოდენობის  შესახებ. გამარჯვებულ მოსწავლეებს კი საგზაო უსაფრთხოების კამპანიის „საჭესთან ფხიზლად!“ მაისურები და პოსტერები გადაეცათ.

საგზაო უსაფრთხოების აქციას მხარდაჭერა გამოუცხადეს კომპანია “ვისოლ პეტროლიუმ ჯორჯიამ” და სარესტორნო ქსელ “GMC Group”-მა:  კომპანია „ვისოლის“ ავტოგასამართ სადგურებში დარიგდა კამპანიის „საჭესთან ფხიზლად!“ სამანქანო სტიკერები. ხოლო სარესტორნო ქსელ GMC Group-ის რესტორან „შემოიხედე გენაცვალეში“ ყველა მომსახურე პერსონალს ეცვა კამპანიის „საჭესთან ფხიზლად!“ მაისური, რითაც მათ საგზაო უსაფრთხოების საკითხის მიმართ მხარდაჭერა გამოხატეს. დარიგდა ასევე სპეციალურად ამ დღისათვის მომზადებული საინფორმაციო ბუკლეტები.

კომპანია “ნატახტარმა” და პიარსააგენტო “ჯეპრამ” მედიაკონკურსის გამარჯვებულები გამოავლინეს. კონკურსის ყველა მონაწილეს “ედრესის” 150 ლარიან სასაჩუქრე ბარათთან ერთად , ფულადი პრიზები გადაეცათ.

კომპანია “ნატახტარმა”, პიარსააგენტო “ჯეპრასთან” ერთად, კონკურსი თემაზე “ადგილობრივი ლუდი – ყოველთვის ახალი” 28 აპრილს გამოაცხადა.

კონკურსის მიზანი იყო, მედიის საშუალებით ქართველ მომხმარებელს მიწოდებოდა სასარგებლო და მიუკერძოებელი ინფორმაცია ლუდის ადგილობრივი წარმოებისა და ლუდის ხარშვის ქართული მრავალსაუკუნოვანი ტრადიციების შესახებ. კონკრეტულად კი კომპანია “ნატახტარის” სიახლეების, ბრენდების, მისი წარმადობის, ექსპორტისა და ნატახტრის წყლის უნიკალურობის შესახებ.

“ადგილობრივი ლუდი – ყოველთვის ახალი” მედიაკონკურსის ჟიურის წევრები ზვიად ქორიძე, რუსუდან ვაშაკიძე, თეონა დოლენჯაშვილი, სოსო გალუმაშვილი, ვახტანგ გვახარია, ელდარ ნადირაძე იყვნენ.

კომპანია „ნატახტარის“ ტრადიციული საზაფხულო გათამაშება – „აისრულე სურვილები ნატახტართან ერთად“ – დასრულდა და მთავარი პრიზის, რაგბის მსოფლიო ჩემპიონატზე გასამგზავრებელი 2 საგზურის მფლობელთა ვინაობაც უკვე ცნობილია. გამარჯვებულები, გიორგი შიუკაშვილი და ავთანდილ ბუკია ერთი კვირით გაემგზავრებიან ქალაქ პალმერსტონში, სადაც გაიმართება მსოფლიო ჩემპიონატის ფინალური მატჩი. საგზურში, თამაშზე დასასწრები ბილეთების გარდა, შედის მგზავრობისა და სასტუმროს ხარჯები, ასევე სპეციალური ტურები და ჯიბის ფული.

გიორგი შიუკაშვილი

ავთანდილ ბუკია

მნიშვნელოვანია, რომ “ნატახტარმა” როგორც ქართული სპორტის და მათ შორის რაგბის გულშემატკივარმა კომპანიამ წლევანდელი გათამაშება ახალ ზელანდიაში გასამართ რაგბის მსოფლიო თასს დაუკავშირა. წლევანდელი „ნატახტარის“ წამახალისებელი გათამაშება 15 ივნისიდან დაიწყოდა 15 სექტემბრამდე გაგრძელდა. გათამაშებაში იყო 1000 ლარი – ყოველდღიურად, 5000 ათასი – კვირაში ერთხელ და დიდი პრიზი – 20 ათასი ლარი. ყველას, ვინც შეიძენდა ნატახტარს, ქარვას, ექსტრასა და კასრის ნებისმიერი ზომის ბოთლს, შეეძლო ფასიანიპ რიზები მოეგო. ლუდი კასრის მოყვარულ 2 ადამიანს კი მისცა შანსი განსაკუთრებული საჩუქრის – რაგბის მსოფლიო ჩემპიონატზე გასამგზავრებელი საგზურის მფლობელიც გამხდარიყო. აღნიშნული ფულადი პროზების გარდა, გათამაშდა 100 ათასი ცალი 0,5 ლიტრის შუშის ბოთლის ნატახტარი.

,

კომპანიის მარკეტინგის სამსახურის ხელმძღვანელმა თორნიკე ნიკოლაიშვილმა ჟურნალისტებს კომპანიის საქმიანობა გააცნო.

“ნატახტარს” ლუდის ბაზრის 55%-ი უკავია. კომპანია ძირითად ექსპორს აზერბაიჯანში ახორციელებს. მეორე საექსპორტო ბაზარი კი უკრაინაა, სადაც კომპანიამ საცდელი მოცულობები შეიტანა.

რაც შეეხება ლიმონათს, “ნატახტარის” ლიმონათი ექსპორტზე 15 ქვეყანაში გადის, ყველაზე დიდი მოცულობით კი – აზერბაიჯანში.

მედია-ტურის მონაწილეებმა კომპანიის ლუდსახაში ქარხანა დაათვალიერეს, გაეცნენ წარმოების ტექნოლოგიას, ხარისხის კონტროლის ლაბორატორიას. “ნატახტარი” ლუდის წარმოებას ჩეხური და გერმანული ტექნოლოგიით ახორციელებს. ჩეხური დანადგარი “ნატახტარში” 2005 წელს დამონტაჟდა, ხოლო გერმანული – 2011 წელს.

ღონისძეიებებს, მედიის წარმოამდგენლებთან ერთად, ქართველი გულშემატკივრები და სპორტის ქომაგებიც ესწრებოდნენ. ანალოგიურ ჩვენებებებს ლუდი ქარვა ქუთაისაა და ბათუმშიც მართავდა.

თამაშის დაწყებამდე და შესვენებისას, სტუმრებისთვის სხვადასხვა ტიპის გასართობი ღონისძიებებიც ეწყობოდა. გარდა ამისა, ჩატარდა სპეციალური ვიქტორინა და გათამაშებები. გამარჯვებულებს ქარვას მიერ დაწესებული პრიზები გადაეცათ. ლუდი ქარვისა და ეროვნული ნაკრების სიმბოლიკით გაფორმებული სპეციალური მაისურები კი ყველაზე აქტიურ ქომაგებს გადაეცათ.

კალათბურთის ეროვნული ნაკრებმა არსებული შედეგებითა და წარმატებული თამაშით დაიმსახურა ასპარეზობა მეორე ეტაპზეც განაგრძოს. თავის მხრივ ლუდი ქარვა ქომაგებს საინტერესო შეხვედრებს მომავალ მატჩებზე პირდება.

საქართველოს რაგბის კავშირის პრეზიდენტმა გიორგი ნიჟარაძემ და რაგბის ეროვნული ნაკრების კაპიტანმა ირაკლი აბუსერიძემ კომპანია „ნატახტარის“ მარკეტინგის მენეჯერს თორნიკე ნიკოლაიშვილს ქართველოს მორაგბეთა ავტოგრაფებით დამშვენებული მაისური და რაგბის ბურთი გადასცეს საჩუქრად.

„ჩვენთვის ძალზედ მნიშვნელოვანია იმ პროცესში მონაწილეობა, რასაც ქართული სპორტისა და, კერძოდ, რაგბის საერთაშორისო წარმატება წარმოადგენს, რადგან ჩვენი კომპანია ჯანსაღი ცხოვრების პოპულარიზაციას სწორედ ისეთი სპორტული სახეობების მხარდაჭერით ცდილობს, როგორიცაა რაგბი. მინდა ვუსურვო ჩვენს გუნდს წარმატება ახალ ზელანდიაში. იმედს გამოვთქვამთ, რომ ჩვენი ეს მოკრძალებული საჩუქარი დაეხმარება ბორჯღალოსნებს უკეთესი შედეგების მიღწევაში,“ – განაცხადა თორნიკე ნიკოლაიშვილმა ცერემონიალის დაწყებამდე გამართულ პრესკონფერენციაზე.

გიორგი ნიჟარაძის თქმით, „ნატახტარი“ ქართველ მორაგბეებს სწორედ მაშინ დაუდგა მხარში, როცა ნაკრებს ეს ყველაზე მეტად სჭირდებოდა. „ბიზნესის მხარდაჭერის გარეშე სპორტის წარმატებით განვითარება თითქმის წარმოუდგენელია“, დასძინა მან და ასეთი სერიოზული მხარდაჭერისთვის „ნატახტარს“ მადლობა გადაუხადა.

“ნატახტარის” დაფინანსებითა და პატრონაჟით ბავშვებმა თბილისში “ევროპარკის” აკვაპარკში დაუვიწყარი ზაფხულის დღე გაატარეს…

კომპანია “ნატახტარი ლიმონათის” ორგანიზებით საგურამოს ბავშვთა სახლის აღსაზრდელები აკვაპარკს ესტუმრნენ, სადაც მათ ზაფხულის დაუვიწყარი ერთი დღე გაატარეს.

ბავშვები მთელი დღის განმავლობაში ერთობოდნენ სპეციალურად მათთვის აქციის ფარგლებში განკუთვნილი უფასო წყლის ატრაქციონებით. ასევე კომპანია “ნატახტარმა” ბავშვებს საჩუქრად გადასცა საცურაო ინვენტარი.

სპეციალურად ამ ღონისძიებისთვის მოწვეული იქნა ანიმატორების ჯგუფი, რომლებმაც მოახდინეს სხვადასხვა სახის ბავშვთა ინტელექტუალური თამაშობების ორგანიზება.