Tag Archives: გუნდი

ლუდი ძველად და ლუდი ახლა…

537962_210714195703812_209313952510503_335581_327005114_n

რა უნდა ვიცოდეთ ქართული თუ უცხოური ლუდის შესახებ!

თუკი სიტყვაში „პური“ ოთხ შეცდომას დავუშვებთ, შედეგს ასეთს მივიღებთ: „ლუდი“…მრავალი საუკუნის მანძილზე ლუდი ერთ-ერთი ყველაზე პოპულარული ალკოჰოლური სასმელია, რომელსაც ზოგ შემთხვევაში, ძალიან ბევრი კვების პროდუქტების წინაც კი აყენებს, ძალიან დიდი ადგილი უჭირავს მსოფლიოს პრაქტიკულად ყველა ქვეყნის ბაზრებზე და მოკლედ, ეს ყველაფერი დღესავით ნათელია.

ისტორიას თუ გადავხედავთ, დავრწმუნდებით, რომ ლუდი იხარშებოდა ჯერ კიდევ ისეთი ლეგენდერალი ხალხების დროს, როგორებიც იყვნენ მაგალითად, შუმერები, ხეთები, ურარტუელები, ბაბილონელები, ეგვიპტელები…

imagesლუდს კარგად იცნობდნენ უძველესი ქართველური ტომებიც. მაგალითად, მეცნიერები მიიჩნევენ, რომ ლუდის დამზადების საიდუმლოს კოლხები ჯერ კიდევ იასონისა და არგონავტების გმირული ეპოპეის დროს იყვნენ ნაზიარებნი.

უხსოვარი დროიდან დღემდე ლუდს განსაკუთრებული მნიშვნელობა და ადგილი ჰქონდა მინიჭებული საქართველოს მთაშიც. მთიელებისთვის ლუდი უძველესი დროიდან წმინდა სასმელად მიიჩნეოდა და ყველა წეს-ჩვეულება თუ რიტუალი სწორედ ლუდით სრულდებოდა.

შუმერები ვახსენეთ და აქვე ქართველი მკვლევარის, ელდარ ნადირაძის წიგნს „ქართული ლუდი“ მოვიშველიებთ, სადაც წერია, რომ ჯერ კიდევ უძველესი შუმერები ლუდის 18 სახეობას ამზადებდნენ.

images (1)იქვე იმასაც ვკითხულობთ, რომ ძველი ქართული ტერმინი „ქაშქ“  ნადუღარი ქერის წვენს აღნიშნავს, რაც სხვა არაფერია, თუ არა – ლუდი! მეცნიერები მიიჩნევენ, რომ ქართული „ქაშქ“  მიღებული უნდა იყოს შუმერული „ქაშ“- იდან, რომელიც ამ უძველეს ცივილიზაციაში ლუდის სხვადასხვა სახეობის სახელწოდება გახლდათ.

რატომ შემოინახა ლუდის მოხმარების ჩვევა მთამ და არა ბარმა, ეს უბრალო მიზეზით აიხსნება: საქართველოში უმთავრესი ყურადღება გადატანილი იყო ბარის მევენახეობა-მეღვინეობაზე. ქართული ეთნოგრაფიული მეცნიერებაც იმ ტერიტორიას, სადაც ვაზი ხარობს, ბარად მიიჩნევს, ხოლო სადაც არა – მთად, – განმარტავს ქართველი მკვლევარი.

sacred-beerლუდის სახეობები

საერთოდ, როდესაც რაღაცის კლასიფიკაციას ეხება საუბარი, ერთი ნიშნით ყველაფრის განსაზღვრა საკმაოდ რთულია. ანალოგიური სიტუაციაა ლუდის შემთხვევაშიც, თუმცა გარკვეული სიზუსტის შემოტანა მაინც შესაძლებელია.

images (2)არსებობს ღია და მუქი ფერის ლუდები, მაგრამ ამავე დროს, ღია და მუქი ფერის ლუდი შეიძლება იყოს ორივე, როგორც ზედა დუღილის ასევე – ქვედა დუღილის.

მსოფლიოში ბევრად პოპულარული ქვედა დუღილის ლუდებია. მასზე მოდის მთელი წარმოების 80-90 პროცენტი და კომპანიებიც სწორედ ქვედა დუღილის პროდუქციას აწარმოებს.

რას ნიშნავს ეს ყველაფერი: ქვედა დუღილის ლუდებში გამოიყენება საფუარი, რომელიც გამორჩეულია უფრო ისეთი თვისებით, რომ დუღილის დამთავრების დროს დაბლა ჩამოილექება, ზედა დუღილის კი უფრო მაღლა ადის და ჩამოლექვა შემდეგ ხდება. ანუ პირველ შემთხვევაში გამოიყენება საფუარი, რომელსაც უფრო მსხვილი უჯრედები აქვს და რადგან სიმძიმე მეტი აქვს, იგი დაბლა უფრო ადვილად ჩამოდის. ზედა დუღილის შემთხვევაში უფრო ფქვილისებური უფრედებია, პატარა და შესაბამისად, შედარებით გვიან ილექება.

უფრო მნიშვნელოვანი სხვაობა მაინც ის არის, რომ ქვედა დუღილის ლუდების საფუარის შემთხვევაში დუღილი ხდება დაბალ ტემპერატურაზე: ბადაგი 13 – 15 გრადუსზე დუღდება, მაღალი დუღილის ლუდებზე კი უკვე 22 – 23 გრადუსია საჭირო და შედეგად სხვადასხვა ტიპის არომატი მიიღება.

ქვედა დუღილის შემთხვევაში ლუდს ახასიათებს მკვეთრად გამოხატული ბადაგის არომატი ოდნავ კარამელისა და სვიის არომატი, ზედა დუღილის შემთხვევაში მეტად დამახასიათებელია ხილისა და პარფიუმერიის, ღვინის ტიპის არომატები. აქედან გამომდინარე, მიიღება ორი სხვადასხვა და განსხვავებული ლუდი.

ესე იგი გავიგეთ, რომ არსებობს მუქი და ღია ფერის და ქვედა და ზედა დუღილის ლუდები. გარდა ამისა, ასევე არსებობს ლუდები, რომლებიც მიიღება კონკრეტულად 100 პროცენტი ალაოსგან. ისეთ ქვეყნებში კი, სადაც აქვთ ადგილობრივად, მაგალითად, ხორბლის, ქერის, სიმინდის, ბრინჯის მეურნეობები, წარმოებაში მათაც ამატებენ. ზოგიერთ ქვეყანაში ასე ხდება იმიტომ, რომ პროდუქცია იაფია და მწარმოებლები ნაწარმის დაბალ ფასზე აკეთებენ გათვლას, ზოგან კი უბრალოდ იმიტომ, რომ მიიღონ ის არომატული და გემური თვისებები, როგორიც უფრო მეტად მოსწონთ.

როცა ქართულ ლუდზეა  საუბარი, მწარმოებელ კომპანიებშიც სწორედ  იმ მიმართულების განვითარება მოხდა, რომელიც უფრო ქართველებისთვისაა მიმზიდველი და მისაღები. გარდა იმისა, რომ არსებობს განსაკუთრებული ვიზუალი, არსებობს კიდევ ძალიან გამორჩეული გემო, რაც  მორგებულია სწორედ ქართულ ხასიათზე, თუმცა რასაკვირველია, უდიდეს მოწონებას იმსახურებს უცხოელების მხრიდანაც…

„მადლობა კომპანია „ნატახტარს“, რომ მხარში დამიდგა და სწავლის შესაძლებლობა მომცა!“

elvin kasimovi

ელვინ  კასიმოვი, ფონდი „ნატახტარის“ მხარდაჭერით   დღეს პროფესიას ეუფლება…

Continue reading

ფონდი ნატახტარი პროექტის „იზრუნე მომავალზე“ ფარგლებში თანხის შეგროვების მეორე ეტაპს იწყებს

სიტყვა „ნატახტარი“ მზრუნველობამოკლებულ მოზარდებში უკვე დადებით ემოციას იწვევს. ეს გასაკვირიც არ არის, რადგან კომპანია „ნატახტარი“ პროექტის „იზრუნე მომავალზე“ ფარგლებში თანხის შეგროვების მეორე ეტაპს იწყებს.

Continue reading

სვია ლუდში – შესანიშნავი დანამატი

სვია (humulus lupulus) ხვიარა მცენარეა, რომელიც იმავე ბოტანიკურ ოჯახს მიეკუთვნება, რომელშიც შედის კანაფი და ჭინჭარი.

Continue reading

ფინელმა მკვლევარებმა შესაძლოა ხელახლა შექმნან 170 წლის ლუდი

როგორც გამოცემა Newsday იტყობინებოდა, ჯერ კიდევ,   გაზაფხულზე, ფინელი მკვლევარები აცხადებენ, რომ მათ შეიძლება ხელახლა შექმნან 1840 წელს არსებული ლუდი.

Continue reading

რა სარგებელი მოაქვს ლუდს ჯანმრთელობისთვის….

ლუდი ერთ-ერთი ყველაზე ფართოდ გავრცელებული ალკოჰოლური სასმელია. ღვინის შემდეგ ის ყველაზე უფრო ჯანსაღ სასმელად ითვლება.

Continue reading

25-ოქროიანი დღე

ბატუტზე მხტომელმა ლუბა გოლოვინამ 4 წლის წინანდელ პეკინის ოლიმპიურ თამაშებზე ნაჩვენები შედეგი – მე-6 ადგილი ლონდონში ერთი საფეხურით გააუარესა.  ერთი შეხედვით წარუმატებლობაა, მაგრამ თუ გავითვალისწინებთ, რომ გოლოვინა ზედ შეჯიბრების წინ დაშავდა და ბოლო მომენტამდე მისი ჭიდაობა საეჭვო იყო, საკვალიფიკაციო ეტაპის დაძლევა და ფინალურ 8 საუკეთესოში მოხვედრაც შესაქები შედეგია. ნატურნირევს თავად სპორტსმენმაც თქვა, ნატკენ ფეხს ძალას საერთოდ ვერ ვატანდიო. თან იქვე დანანებით დასძინა, არადა ამ ოლიმპიადისთვის როგორ ვემზადებოდიო.  გოლოვინა ერთადერთი იყო ქართული დელეგაციის წევრთაგან, ვინც გუშინ გავიდა ოლიმპიურ სარბიელზე.

სულ კი 3 აგვისტოს მედლების 25 კომპლექტი გათამაშდა და აქედან ყველაზე მეტი – 6 მასპინძლებმა მოიპოვეს. ამ წარმატებით ბრიტანელებმა საერთო ჩათვლაში მესამე საფეხურზე აინაცვლეს.


საოცრად დაძაბული ბრძოლაა გაჩაღებული საერთო ჩათვლაში პირველობისათვის ამერიკელებსა და ჩინელებს შორის. გუშინ ორივე დელეგაციამ 5-5 ოქროს მედალი მოიხვეჭა.

ბრწყინვალე გამარჯვება მოიპოვა 31 წელს მიტანებულმა ამერიკელმა ჩოგბურთელმა ქალმა სერენა უილიამსმა, რომელმაც ერთეულთა თანრიგში ისე იმარჯვა, სეტიც არ წაუგია და ყველა მეტოქეს უპრობლემოდ გაუსწორდა. ფინალში რუს მარია შარაპოვას სულაც 6:0 6:1 მოუგო.


კარიერა მე-18 ოლიმპიური ოქროს და ჯამში 22-ე ოლიმპიური მედლის (18 ოქრო, 2 ვერცხლი, 2 ბრინჯაო) მოხვეჭით დაასრულა ყველა დროის ყველაზე ტიტულოვანმა ოლიმპიელმა და მოცურავემ ამერიკელმა მაიკლ ფელპსმა.


ქალთა შორის ბადროს ტყორცნაში ოქრო მოიპოვა 22 წლის ხორვატმა სანდრა პერკოვიჩმა, ვინაც შარშან დოპინგის გამოყენების გამო 6-თვიანი დისკვალიფიკაცია მოიხადა.


დღე ქალთა შორის 100 მეტრზე გარბენით დასრულდა, რომელშიც იამაიკელმა შელი-ენ ფრეიზერ-პრაისმა 4 წლის წინ პეკინში ამავე დისტანციაზე ნაშოვნი ოქრო შეინარჩუნა.

მორიგი წარუმატებელი დღე

ოლიმპიურ თამაშებზე ძიუდოსთვის გამოყოფილი დღეები მძიმე წონითი კატეგორიით და ქართველთათვის მძიმედ დასრულდა. ადამ ოქრუაშვილი ტატამზე ერთადერთხელ გავიდა და უხერხულ მეტოქესთან, გერმანელ ანდრეას ტოლცერთან უშანსოდ წააგო.  ქართველ მძიმეწონოსანს სახიფათოდ ერთხელაც არ შეუტევია, პასიურობის გამო ორჯერ გაფრთხილება მიიღო, შემდეგ კი შებოჭვაზე მოჰყვა და შეჯიბრებას გამოეთიშა.
წარუმატებელი შეიძლება დავარქვათ ძალოსან რაულ ცირეკიძის მიერ ნაჩვენებ შედეგსაც. ევროპის ჩემპიონი შედარებით სუსტ – ბ ჯგუფში გავიდა ფიცარნაგზე და 11 მონაწილეს შორის მე-2 შედეგი აჩვენა, ხოლო მას შემდეგ, რაც საქმე ა ჯგუფის მონაწილეებმაც მოილიეს, ქართველი ძალოსანი მე-9 ადგილამდე დაეშვა.
გუშინვე სარბიელზე სიგრძეზე მხტომელი ბოლესლავ სხირტლაძეც გავიდა და… საკვალიფიკაიო შეჯიბრში 42 მონაწილეს შორის 35-ე შედეგი აჩვენა. ცხადია, ფინალს მიღმა დარჩა, სადაც 12 საუკეთესო გადიოდა.  სამი ცდიდან სხირტლაძის საუკეთესო მაჩვენებელი 7,26 მეტრი იყო. არადა მისი პირადი რეკორდი 8,12 მეტრია.
აქვე ერთი საინტერესო ფაქტიც, სიგრძეზე ხტომაში პეკინის ოლიმპიადის ჩემპიონმა, პანამელმა ირვინგ სალადინომ ვერც ერთი ცდა ვერ გამოიყენა და შეჯიბრებას უსახელოდ გამოეთიშა.
ამერიკის შეერთებული შტატების დელეგაციამ გუშინ ჩინელთა ორი ოქროს წილ უმაღლესი სინჯის სამი მედალი მოიხვეჭა. საერთო ჩათვლაში ამ მაჩვენებლითაც დაწინაურდა და მედლების ჯამური მონაგარითაც.
ამერიკელებმა სამივე ოქრო ცურვაში მოიპოვეს და აბა როგორ იქნებოდა, წარმატებაში თავისი წვლილი მაიკლ ფელპსსაც არ შეეტანა – 100 მეტრზე ბატერფლაით ცურვაში მეტოქეებს უკანასკნელ მეტრებზე გადაუსწრო და ლონდონურ 2 ოქროსა და 2 ვერცხლს მე-3 ოქროც წაამატა, რითაც თავისი ოლიმპიური ოქროს რიცხვი 17-მდე, მედლების საერთო რაოდენობა კი 21-მდე გაზარდა.
მძლეოსნობაში მედლების პირველი კომპლექტები გათამაშდა – პოლონელმა ბირთვის მკვრელმა ტომაშ მაიევსკიმ პეკინის ოლიმპიადზე მოხვეჭილი ოქროს მედალი ლონდონში წარმატებით დაიცვა.  10 ათას მეტრზე სირბილში კი ქალთა შორის ეთიოპიელი ტირუნეშ დიბაბა გაჩემპიონდა.

“თბილისის ლუდის ფესტივალი” – “ნატახტარის” საჩუქარი ლუდის ყველა მოყვარულს

21-22 ივლისს, “ვარდების რევოლუციის”  მოედანზე, კომპანია “ნატახტარმა”, რიგით მესამე “თბილისის ლუდის ფესტივალს”  უმასპინძლა.

Continue reading

ესპანელებმა ეჭვგარეშე იფავორიტეს

ევროპის მოქმედმა ჩემპიონმა, ესპანეთის ნაკრებმა ფავორიტის სტატუსი ევრო 2012-ის ჯგუფური ეტაპის დასკვნით ტურშიც გაამართლა. ვისენტე დელ ბოსკეს გაწვრთნილმა გუნდმა ყველას დაუმტკიცა, რომ ბოლო დღეებში ევროპული გამოცემების მიერ გამოთქმული ეჭვები სისულელე იყო.  შეგახსენებთ, აქტიურად ვრცელდებოდა ინფორმაცია, რომ დიდი შანსი იყო, ესპანეთსა და ხორვატიას 2:2 ან უფრო უხვგოლიანი ფრე ეთამაშათ, რითაც იტალიას ჯგუფში ჩატოვებდნენ, მაგრამ მავანთა მოლოდინი არ გამართლდა.  ესპანელებმა მეოთხედფინალში პირველი ადგილით გასასვლელად სუფთად ითამაშეს და სამი ქულა დამსახურებულად მიითვალეს, თუმცა ვიდრე მიზანს მიაღწევდნენ, გულშემატკივრები გვარიანად ანერვიულეს.
ლამის მთელი შეხვედრის განმავლობაში ბურთს ევროპის ჩემპიონები აკონტროლებდნენ, მაგრამ რეალურ საგოლე ეპიზოდებამდე საქმე ვერაფრით მიჰყავდათ. ხორვატები თავს მშვენივრად იცავდნენ და დროდადრო სწრაფ და სახიფათო კონტრშეტევებსაც ახორციელებდნენ. სლავენ ბილიჩის შეგირდები ყველაზე ახლოს სამიზნესთან 59-ე წუთზე მივიდნენ – ლუკა მოდრიჩმა მარჯვენა ფლანგზე გაილაღა და მოწინააღმდეგის საჯარიმოში ივან რაკიტიჩს თავზე დაასვა ბურთი. ამ უკანასკნელმაც მშვენივრად დაარტყა, მაგრამ ესპანელები დამწუხრებას იკერ კასილასმა სასწაული ნახტომით გადაარჩინა.
მატჩის ერთადერთი გოლი კი ძირითადი დროის დასრულებამდე ორიოდ წუთით ადრე ხესუს ნავასმა გაიტანა, რომელიც მწვრთნელმა მინდორზე ფერნანდო ტორესის ნაცვლად 61-ე წუთზე შეუშვა. საგოლე კომბინაცია სესკ ფაბრეგასმა წამოიწყო. მან ანდრეს ინიესტას ბურთი ხორვატი მცველების ზურგსუკან ჩაუკიდა. ინიესტამ ცხადია იოლად დაამუშავა და ცარიელი კარის წინ მყოფ ნავასს დაუგორა.
ხორვატია 4 ქულით ქვეჯგუფში მესამე ადგილს დასჯერდა. ესპანეთმა კი სამ შეხვედრაში შვიდი ქულა დააგროვა და მეოთხედფინალში D ჯგუფის მეორეადგილოსანს ელის.  უკვე ისიც ცნობილია, რომ დელ ბოსკეს გუნდისა და ჩემპიონობის მეორე რეალურ კანდიდატად დასახელებული გერმანიის ნაკრების გზები ერთმანეთს ფინალამდე არ უერთდება.