„კაიზერი“ – ცოცხალი ბავარიული ლეგენდა

კომპანია „ნატახტარმა“ ახალი ლუდის – ხორბლის გაუფილტრავი კაიზერის წარმოება დაიწყო, რომელიც ლუდის სხვა სახეობებისგან  განსაკუთრებული არომატით გამოირჩევა. ქართველი მომხმარებლისთვის ის  უკვე საქართველოში ექსკლუზიური ლიცენზიითა და გერმანული ტრაციების გათვალისიწნებით ჩამოისხმევა.

ლუდი ძველად და ლუდი ახლა…

რა უნდა ვიცოდეთ ქართული თუ უცხოური ლუდის შესახებ!

თუკი სიტყვაში „პური“ ოთხ შეცდომას დავუშვებთ, შედეგს ასეთს მივიღებთ: „ლუდი“…მრავალი საუკუნის მანძილზე ლუდი ერთ-ერთი ყველაზე პოპულარული ალკოჰოლური სასმელია, რომელსაც ზოგ შემთხვევაში, ძალიან ბევრი კვების პროდუქტების წინაც კი აყენებს, ძალიან დიდი ადგილი უჭირავს მსოფლიოს პრაქტიკულად ყველა ქვეყნის ბაზრებზე და მოკლედ, ეს ყველაფერი დღესავით ნათელია.

ისტორიას თუ გადავხედავთ, დავრწმუნდებით, რომ ლუდი იხარშებოდა ჯერ კიდევ ისეთი ლეგენდერალი ხალხების დროს, როგორებიც იყვნენ მაგალითად, შუმერები, ხეთები, ურარტუელები, ბაბილონელები, ეგვიპტელები…

ლუდს კარგად იცნობდნენ უძველესი ქართველური ტომებიც. მაგალითად, მეცნიერები მიიჩნევენ, რომ ლუდის დამზადების საიდუმლოს კოლხები ჯერ კიდევ იასონისა და არგონავტების გმირული ეპოპეის დროს იყვნენ ნაზიარებნი.

უხსოვარი დროიდან დღემდე ლუდს განსაკუთრებული მნიშვნელობა და ადგილი ჰქონდა მინიჭებული საქართველოს მთაშიც. მთიელებისთვის ლუდი უძველესი დროიდან წმინდა სასმელად მიიჩნეოდა და ყველა წეს-ჩვეულება თუ რიტუალი სწორედ ლუდით სრულდებოდა.

შუმერები ვახსენეთ და აქვე ქართველი მკვლევარის, ელდარ ნადირაძის წიგნს „ქართული ლუდი“ მოვიშველიებთ, სადაც წერია, რომ ჯერ კიდევ უძველესი შუმერები ლუდის 18 სახეობას ამზადებდნენ.

იქვე იმასაც ვკითხულობთ, რომ ძველი ქართული ტერმინი „ქაშქ“  ნადუღარი ქერის წვენს აღნიშნავს, რაც სხვა არაფერია, თუ არა – ლუდი! მეცნიერები მიიჩნევენ, რომ ქართული „ქაშქ“  მიღებული უნდა იყოს შუმერული „ქაშ“- იდან, რომელიც ამ უძველეს ცივილიზაციაში ლუდის სხვადასხვა სახეობის სახელწოდება გახლდათ.

რატომ შემოინახა ლუდის მოხმარების ჩვევა მთამ და არა ბარმა, ეს უბრალო მიზეზით აიხსნება: საქართველოში უმთავრესი ყურადღება გადატანილი იყო ბარის მევენახეობა-მეღვინეობაზე. ქართული ეთნოგრაფიული მეცნიერებაც იმ ტერიტორიას, სადაც ვაზი ხარობს, ბარად მიიჩნევს, ხოლო სადაც არა – მთად, – განმარტავს ქართველი მკვლევარი.

ლუდის სახეობები

საერთოდ, როდესაც რაღაცის კლასიფიკაციას ეხება საუბარი, ერთი ნიშნით ყველაფრის განსაზღვრა საკმაოდ რთულია. ანალოგიური სიტუაციაა ლუდის შემთხვევაშიც, თუმცა გარკვეული სიზუსტის შემოტანა მაინც შესაძლებელია.

არსებობს ღია და მუქი ფერის ლუდები, მაგრამ ამავე დროს, ღია და მუქი ფერის ლუდი შეიძლება იყოს ორივე, როგორც ზედა დუღილის ასევე – ქვედა დუღილის.

მსოფლიოში ბევრად პოპულარული ქვედა დუღილის ლუდებია. მასზე მოდის მთელი წარმოების 80-90 პროცენტი და კომპანიებიც სწორედ ქვედა დუღილის პროდუქციას აწარმოებს.

რას ნიშნავს ეს ყველაფერი: ქვედა დუღილის ლუდებში გამოიყენება საფუარი, რომელიც გამორჩეულია უფრო ისეთი თვისებით, რომ დუღილის დამთავრების დროს დაბლა ჩამოილექება, ზედა დუღილის კი უფრო მაღლა ადის და ჩამოლექვა შემდეგ ხდება. ანუ პირველ შემთხვევაში გამოიყენება საფუარი, რომელსაც უფრო მსხვილი უჯრედები აქვს და რადგან სიმძიმე მეტი აქვს, იგი დაბლა უფრო ადვილად ჩამოდის. ზედა დუღილის შემთხვევაში უფრო ფქვილისებური უფრედებია, პატარა და შესაბამისად, შედარებით გვიან ილექება.

უფრო მნიშვნელოვანი სხვაობა მაინც ის არის, რომ ქვედა დუღილის ლუდების საფუარის შემთხვევაში დუღილი ხდება დაბალ ტემპერატურაზე: ბადაგი 13 – 15 გრადუსზე დუღდება, მაღალი დუღილის ლუდებზე კი უკვე 22 – 23 გრადუსია საჭირო და შედეგად სხვადასხვა ტიპის არომატი მიიღება.

ქვედა დუღილის შემთხვევაში ლუდს ახასიათებს მკვეთრად გამოხატული ბადაგის არომატი ოდნავ კარამელისა და სვიის არომატი, ზედა დუღილის შემთხვევაში მეტად დამახასიათებელია ხილისა და პარფიუმერიის, ღვინის ტიპის არომატები. აქედან გამომდინარე, მიიღება ორი სხვადასხვა და განსხვავებული ლუდი.

ესე იგი გავიგეთ, რომ არსებობს მუქი და ღია ფერის და ქვედა და ზედა დუღილის ლუდები. გარდა ამისა, ასევე არსებობს ლუდები, რომლებიც მიიღება კონკრეტულად 100 პროცენტი ალაოსგან. ისეთ ქვეყნებში კი, სადაც აქვთ ადგილობრივად, მაგალითად, ხორბლის, ქერის, სიმინდის, ბრინჯის მეურნეობები, წარმოებაში მათაც ამატებენ. ზოგიერთ ქვეყანაში ასე ხდება იმიტომ, რომ პროდუქცია იაფია და მწარმოებლები ნაწარმის დაბალ ფასზე აკეთებენ გათვლას, ზოგან კი უბრალოდ იმიტომ, რომ მიიღონ ის არომატული და გემური თვისებები, როგორიც უფრო მეტად მოსწონთ.

როცა ქართულ ლუდზეა  საუბარი, მწარმოებელ კომპანიებშიც სწორედ  იმ მიმართულების განვითარება მოხდა, რომელიც უფრო ქართველებისთვისაა მიმზიდველი და მისაღები. გარდა იმისა, რომ არსებობს განსაკუთრებული ვიზუალი, არსებობს კიდევ ძალიან გამორჩეული გემო, რაც  მორგებულია სწორედ ქართულ ხასიათზე, თუმცა რასაკვირველია, უდიდეს მოწონებას იმსახურებს უცხოელების მხრიდანაც…

ფონდი ნატახტარი პროექტის „იზრუნე მომავალზე“ ფარგლებში თანხის შეგროვების მეორე ეტაპს იწყებს

სიტყვა „ნატახტარი“ მზრუნველობამოკლებულ მოზარდებში უკვე დადებით ემოციას იწვევს. ეს გასაკვირიც არ არის, რადგან კომპანია „ნატახტარი“ პროექტის „იზრუნე მომავალზე“ ფარგლებში თანხის შეგროვების მეორე ეტაპს იწყებს.

სვია ლუდში – შესანიშნავი დანამატი

სვია (humulus lupulus) ხვიარა მცენარეა, რომელიც იმავე ბოტანიკურ ოჯახს მიეკუთვნება, რომელშიც შედის კანაფი და ჭინჭარი.

“თბილისის ლუდის ფესტივალი” – “ნატახტარის” საჩუქარი ლუდის ყველა მოყვარულს

21-22 ივლისს, “ვარდების რევოლუციის”  მოედანზე, კომპანია “ნატახტარმა”, რიგით მესამე “თბილისის ლუდის ფესტივალს”  უმასპინძლა.

მეოთხედფინალი ჯერ ვერავინ გაინაღდა

ჯგუფური ეტაპის დასრულებამდე ერთი ტურით ადრე, A ქვეჯგუფიდან პლეი-ოფში მოხვედრის შანსს ოთხივე გუნდი ინარჩუნებს.

„ნატახტარის ფონდის“ კამპანია „იზრუნე მომავალზე“ ახალ ეტაპზე გადავიდა

„ნატახტარის ლიმონათის“ საქველმოქმედო პროექტი ,,იზრუნე მომავალზე ნატახტართან ერთად“ ახალ ეტაპზე გადავიდა.

ნატახტარის გათამაშება დასრულდა

გამარჯვებულები ახალ ზელანდიაში, რაგბის მსოფლიო ჩემპიონატზე გაემგზავრებიან…

კომპანია „ნატახტარის“ ტრადიციული საზაფხულო გათამაშება – „აისრულე სურვილები ნატახტართან ერთად“ – დასრულდა და მთავარი პრიზის, რაგბის მსოფლიო ჩემპიონატზე გასამგზავრებელი 2 საგზურის მფლობელთა ვინაობაც უკვე ცნობილია. გამარჯვებულები, გიორგი შიუკაშვილი და ავთანდილ ბუკია ერთი კვირით გაემგზავრებიან ქალაქ პალმერსტონში, სადაც გაიმართება მსოფლიო ჩემპიონატის ფინალური მატჩი. საგზურში, თამაშზე დასასწრები ბილეთების გარდა, შედის მგზავრობისა და სასტუმროს ხარჯები, ასევე სპეციალური ტურები და ჯიბის ფული.

გიორგი შიუკაშვილი

ავთანდილ ბუკია

მნიშვნელოვანია, რომ “ნატახტარმა” როგორც ქართული სპორტის და მათ შორის რაგბის გულშემატკივარმა კომპანიამ წლევანდელი გათამაშება ახალ ზელანდიაში გასამართ რაგბის მსოფლიო თასს დაუკავშირა. წლევანდელი „ნატახტარის“ წამახალისებელი გათამაშება 15 ივნისიდან დაიწყოდა 15 სექტემბრამდე გაგრძელდა. გათამაშებაში იყო 1000 ლარი – ყოველდღიურად, 5000 ათასი – კვირაში ერთხელ და დიდი პრიზი – 20 ათასი ლარი. ყველას, ვინც შეიძენდა ნატახტარს, ქარვას, ექსტრასა და კასრის ნებისმიერი ზომის ბოთლს, შეეძლო ფასიანიპ რიზები მოეგო. ლუდი კასრის მოყვარულ 2 ადამიანს კი მისცა შანსი განსაკუთრებული საჩუქრის – რაგბის მსოფლიო ჩემპიონატზე გასამგზავრებელი საგზურის მფლობელიც გამხდარიყო. აღნიშნული ფულადი პროზების გარდა, გათამაშდა 100 ათასი ცალი 0,5 ლიტრის შუშის ბოთლის ნატახტარი.

,

“ნატახტარის” შიდა-ტურნირი ფეხბურთში

2009 წლიდან „ნატახტარის“ ინიციატივით კომპანიაში ფეხბურთის შიდა ჩემპიონატი იმართება. „ნატახტარს” არც წელს დაურღვევია ტრადიცია და ზაფხულის დადგომასთან ერთად სპორტულ ასპარეზობაში მონაწილე გუნდებმაც გულმოდგინე სამზადისი დაიწყეს.

წლევანდელი შიდა ჩემპიონატი გამორჩეული იყო, რადგან ასპარეზობა „ნატახტარის” მიერ სოფლისათვის აშენებულ სტადიონზე ჩატარდა. საფეხბურთო სტადიონი სოფელ ნატახტარში, ლუდსახარშთან ახლოს, საგანგებოდ ამ ასპარეზობისთვის აშენდა და კეთილმოეწყო. ტურნირის დასრულების შემდეგ კომპანიამ სპორტული მოედანი სოფლის ახალგაზრდობას გადასცა საჩუქრად.

წელს ჩემპიონატი 23 აგვისტოს დაიწყო და მასში მონაწილეობას იღებდა 10 გუნდი.

ჯგუფური ეტაპის ურთიერთ გადათამაშების შედეგად ჯგუფებიდან პირველ და მეორე ადგილზე გასულები ერთმანეთს ნახევარფინალურ მატჩებში შეხვდნენ:

1.ჩამოსასხმელი I – გვრიტო II

2. ჩამოსასხმელი II – გვრიტო I

ჩატარებული თამაშების შედეგად ფინალურ მატჩში ერთმანეთს ორივე ჩამოსასხმელის გუნდი დაუპირისპირდა. მატჩი ჩატარდა 26 აგვისტოს. მიუხედავად კოკისპირული წვიმისა, თამაში ფინალისათვის დამახასიათებელი დაძაბული და საინტერესო გამოდგა. გამარჯვება ჩამოსასხმელის პირველმა გუნდმა მოიპოვა და მეორედ გახდა ამ ტურნირის გამარჯვებული და კიდევ ერთი თასი შემატა კოლექციას. შესაბამისად, მეორე ადგილი ჩამოსასხმელის მეორე გუნდმა მოიპოვა.

გამარჯვებულებს გარდამავალი თასი კომპანიის გენერალურმა დირექტორმა ბ–ნ მეჰმეტ კოჩაკმა გადასცა. ჩემპიონები დღესაც აგრძელებენ ვარჯიშს, რათა სათანადო ფორმაში შეხვდნენ მომავალ სეზონს. ვუსურვოთ მათ წარმატება!…

კოკა მიქელაშვილი